Byggðarráð Rangárþings ytra

Lögð fram drög að erindisbréfum markaðs-, menningar- og jafnréttismálanefndar, heilsu-, íþrótta- og tómstundanefndar, skipulags- og umferðarnefndar og umhverfis-, hálendis- og samgöngunefndar.

Lagt til að samþykkja erindisbréfin fyrir nefndirnar.

Samþykkt samhljóða.

Lögð fram tillaga um að fulltrúar í umhverfis-, hálendis- og samgöngunefnd verði:
Aðalmenn:
Magnús Hrafn Jóhannsson - Formaður
Viðar M. Þorsteinsson
Fjóla Kristín B. Blandon
Gústav Ásbjörnsson
Björk Grétarsdóttir

Til vara:
Daníel Freyr Steinarsson
Jóhanna Hlöðversdóttir
Brynhildur Sighvatsdóttir
Sævar Jónsson
Helena Kjartansdóttir

Samþykkt samhljóða.

Byggðarráð þakkar nefndarfólki í fráfarandi umhverfis-, hálendis- og samgöngunefndum fyrir góð störf.

Lögð er fram tillaga um að fela sveitarstjóra fullnaðarafgreiðslu í málum sbr. heimild í 54 gr.
samþykkta sveitarfélagsins er varðar útgáfu tækifærisleyfa, s.s. vegna áfengisleyfa,
skemmtanaleyfa, útihátíða o.fl., brennuleyfa og flugeldasýninga. Þá tæki framsalið einnig til
leyfa er varða minni viðburði, t.d. smærri akstursíþróttakeppnir og minni háttar kvikmyndaverkefni. Málin yrðu
síðan tekin fyrir sem kynningarmál í byggðarráði eða sveitarstjórn.

Samþykkt samhljóða.

Rætt um næstu skref varðandi hönnun og útfærslur varðandi stækkun á íþróttasvæðinu á
Hellu og ráðstafanir sem þarf að grípa til bráðabirgða meðan unnið sé að endanlegum
útfærslum. Skýrsla starfshóps um framtíðaruppbyggingu íþróttamannvirkja verði höfð til hliðsjónar við vinnuna, og verkefnið verði unnið í góðu samstarfi við hagaðila. Auk hönnunnar og útfærslu á stækkun á íþróttasvæðinu á Hellu verði skoðað með hvaða hætti best væri að færa leiksvæðið við árbakkann inn á nýtt svæði og samhliða verði skoðuð endurskipulagning á útisvæði við Laugaland og íþróttahúsið í Þykkvabæ.

Sveitarstjóra falið að vinna málið áfram fyrir næsta reglulega fund sveitarstjórnar.

Samþykkt samhljóða.

Lagt til að endurnýja samning sveitarfélagsins við Vísinda- og rannsóknarsjóð Suðurlands fyrir árin 2023-2025 og fela sveitarstjóra að undirrita hann en árleg greiðsla nemur kr. 50.000.

Samþykkt samhljóða.

Lagt fram minnisblað frá Rangárvalladeild Hestamannafélagsins Geysis og Félagi hesthúseiganda á Hellu varðandi reiðvegi við eldra- og nýtt hesthúsahverfi á Hellu.

Byggðarráð þakkar fyrir erindið og felur sveitarstjóra og forstöðumanni Eigna- og framkvæmdasviðs að ræða við félögin um málefni reiðvega á Hellu.

Samþykkt samhljóða.

Lögð fram beiðni frá Samgöngunefnd SASS um að svara ákveðnum spurningum fyrir nefndina vegna vinnu við uppfærða samgönguáætlun SASS 2023-2032.

Málinu vísað til umhverfis-, hálendis- og samgöngunefndar til umfjöllunar og tillögugerðar að forgangsröðun verkefna.

Samþykkt samhljóða.

Lagt fram erindi frá Félagi eldri borgara í Rangárvallarsýslu varðandi aðgerðaráætlunina "Gott að eldast"

Byggðarráð tekur jákvætt í erindið og vísar því til Félags- og skólaþjónustu Rangárvallasýslu og Vestur-Skaftafellssýslu til umfjöllunar.

Samþykkt samhljóða.

Lagðar fram upplýsingar um álögð gatnagerðargöld vegna lóðarinnar Tjarnar 2 í þykkvabæ.

Lagt til að samþykkt verði að veita 75% afslátt af gatnagerðargjaldinu með vísan til 4 gr. samþykktar um byggingargjöld í Rangárþingi ytra.

Samþykkt samhljóða.

Lagðar fram til kynningar niðurstöður vegna viðhorfskönnunar íbúa 18 ára og eldri í
gamla Djúpárhreppi vegna endurreisingar á tveim vindrafstöðvum í Þykkvabæ. Könnunin var lögð fyrir í síma. Alls voru 162 íbúar á þessu skilgreinda svæði og fengust símanúmer hjá 114 af þeim. Könnunin fór fram frá 23. til 31. maí og 6. til 7. maí 2023 og voru svarendur 86 talsins, svarhlutfallið var því 75%. Niðurstöður eftir búsetu frá staðsetningu vindrafstöðva voru eftirfarandi:

Innan við 5 km: Hlynnt 32,1%, í meðallagi 7,1% og andvíg 60,7%.
5 km eða meira: Hlynnt 40,7%, í meðallagi 18,5% og andvíg 40,7%

Lagt fram erindi frá Íslandsteymi PHOENIX verkefnis á Íslandi varðandi beiðni um þátttöku Rangárþings ytra í verkefninu sem er fjölþjóðlegt rannskóknarverkefni um aðferðir til að auka þátttöku almennings og hlutdeild í stefnumótun á sviði umhverfis- og loftslagstengdra verkefna. Verkefnið nefnist "Landsleikurinn" og er án kostnaðar fyrir sveitarfélagið.

Lagt til að samþykkja að taka þátt í verkefninu og jafnframt að vísa málinu til kynningar í umhverfis-, hálendis- og samgöngunefnd og fjallskilanefndum.

Samþykkt samhljóða.

Tvö erindi hafa borist í hugmyndagátt á heimasíðu sveitarfélagsins, varðandi gönguleið að ærslabelg og aðkomu sjúkrabíla að íþróttamiðstöð á Hellu.

Byggðarráð þakkar fyrir ábendingarnar og leggur til að þeim verði vísað til yfirmanns íþróttamannvirkja og þjónustumiðstöðvar eftir efni þeirra.

Samþykkt samhljóða.

Fært í trúnaðarmálabók.

Fært í trúnaðarmálabók.

Fært í trúnaðarmálabók.

Þórunn Inga Austmar óskar eftir að fá úthlutaðri lóð nr. 1 við Hrafnskála til að byggja á henni einbýlishús úr timbri sbr. umsókn dags. 30.5.2023. Æskilegur byrjunartími framkvæmda er á árinu 2023 og áætlaður byggingartími 1 ár. Jafnframt óskar hún eftir aðkomu sveitarfélagsins að láta grafa prufuholur í lóðina til að kanna stöðu eldri bygginga sem voru á lóðinni.

Lagt er til að úthluta Þórunni Ingu Austmar lóð nr. 1 við Hrafnskála á Hellu í samræmi við úthlutunarreglur lóða í Rangárþingi ytra, til að byggja á henni einbýlishús en hafnar beiðni um að láta grafa prufuholur á lóðinni á kostnað sveitarfélagsins.

Samþykkt samhljóða.

Mupinak ehf óskar eftir að fá úthlutaðri lóð nr. 3 við Miðvang til að byggja á henni verslunarhúsnæði á neðri hæð og íbúðir á efri hæðum sbr. umsókn dags. 21.06.2023. Æskilegur byrjunartími framkvæmda er á árinu 2023-2024 og áætlaður byggingartími 1-2 ár.

Lagt er til að úthluta Mupinak ehf lóð nr. 3 við Miðvang á Hellu í samræmi við úthlutunarreglur lóða í Rangárþingi ytra, til að byggja á henni verslunarhúsnæði og íbúðir.

Samþykkt samhljóða.

Eigendur lóðarinnar Stóru Vellir 3, L235056, óska eftir að breyta heiti lóðar sinnar í Hlöðuvellir skv. umsókn dags. 22.5.2023.

Byggðarráð gerir ekki athugasemdir varðandi nafnabreytinguna.

Samþykkt samhljóða.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.