Byggingarnefnd um uppbyggingu á skólahúsnæði á Hellu

THT fór yfir lokauppgjör 1.áfanga viðbyggingar við Grunnskólann á hellu.
Verkefninu er formlega lokið en nokkrar smá lagfæringar eru eftir sem bíða vorsins.
Uppgjör gefur til kynna að kostnaður pr.m2 er 711.000kr með hönnunarkostnaði og er það í samræmi við upphaflega kostnaðaráætlun.
Nýbyggingin sem tekin hefur verið í notkun er 530m2.
Kostnaður vegna breytinga og viðhalds á eldri skólabyggingu og búnaðarkaup eru um það bil 31.000.000kr sem mun nýtast áfram.

THT fór yfir stöðu vinnu við 2.áfanga Suðurhús.
Einhver seinkun hefur orðið á byrjun reisinga vegna veðurs. Ekki hefur verið hægt að jafna fyllingu í sökkli þar sem frost og snjór hefur tafið verkið.
Krani og forsteyptar einingar eru komnar á staðinn og byrjað verður á að reisa einingar í þessari viku.
Gert er ráð fyrir að útboðsgögn vegna gluggainnkaupa fari út í vikunni.
Stefnt er að því að húsinu verði lokað um mitt sumar og hægt verði að byrja innanhúss framkvæmdir í framhaldi af því.

THT lagði fram verðáætlun í arkitektahönnun fyrir Leikskólann Heklukot.
Lagt er til að hefja vinnu við fullnaðarhönnun á Leikskólanum Heklukoti ásamt verkfræðihönnun og að málinu verði vísað til Byggðaráðs til frekari úrvinnslu.
Samþykkt.