Vatnsveita Rangárþings ytra og Ásahrepps

Farið yfir rekstur veitunnar janúar-nóvember.

Lögð fram tillaga að gjaldskrá fyrir Vatnsveituna þar sem gert er ráð fyrir að vatnsgjald íbúðarhúsa og sumarhúsa verði 48.493 kr pr. ein og vatnsgjald annarra húsa sem tengst geta vatnsveitu verði 0,29% af fasteignamati. Önnur gjöld í skránni hækka samsvarandi. Þetta jafngildir 20,26% hækkun á gjaldskránna í heild sinni. Halli hefur verið á rekstri vatnsveitunnar mörg undanfarin ár og sveitarfélögin greitt með rekstri hennar en veitan er víðast hvar komin til ára sinna og endurnýjun lagna brýn. Því er þessi hækkun nauðsynleg. Áfram verður mikil áhersla lögð á hagkvæman rekstur veitunnar og endurnýjun hennar í áföngum, virkjun á nýjum vatnstökustöðum, frekari öflun vatns og stækkun veitunnar.



Tillagan borin upp til atkvæða og samþykkt samhljóða.



Gjaldskráin verður send aðildarsveitarfélögum til staðfestingar.

Stefnt er að vettvangsferð stjórnar föstudaginn 9 desember n.k. Farið verður á helstu vatnstökustaði veitunnar og reiknað með öllum deginum í ferðina. BJM falið að undirbúa ferðina og senda út ferðaplan. Reiknað er með að bjóða sveitarstjórnarfólki að taka þátt.

Farið yfir lögboðnar viðlagatryggingar Vatnsveitunnar. Nauðsynlegt er að fara yfir og endurskoða það endurstofnverð sem miðað er við þannig að öll veitan sé tryggð. BJM falið að tilkynna núverandi endurstofnverð til Viðlagatryggingar Íslands.